យុវជន ក្រុមសង្គមស៊ីវិល និងសហគមន៍ សូមអំពាវនាវ សូមឱ្យដកសិទ្ធិអភិវឌ្ឈន៍កោះកុងក្រៅទាំងមូលពីក្រុមហ៊ុន កោះកុង អេស អ៊ី ហ្ស៊ិត ខូអិល ធីឌី និងដាក់កោះកុងក្រៅទាំងមូលជាតំបន់អភិរក្សធនធានធម្មជាតិ
ចេញផ្សាយ ថ្ងៃទី៣១ ខែកក្កដា ឆ្នាំ២០២០; ក្រុមសង្គមស៊ីវិល
យើងខ្ញុំជាយុវជន ក្រុមសង្គមស៊ីវិល និងសហគមន៍ ដែលមានរាយនាមដូចខាងក្រោម មានការព្រួយបារម្ភយ៉ាងខ្លាំងក្រោយពេលដែលរាជរដ្ឋាភិបាល បានផ្ដល់សិទ្ធិអភិវឌ្ឈន៍កោះកុងក្រៅទាំងមូលទៅឱ្យក្រុមហ៊ុន កោះកុង អេស អ៊ី ហ្ស៊ិត ខូអិល ធីឌី (KOH KONG S E ZCO., LTD.) ដែលជារបស់លោកឧកញ៉ា លី យ៉ុងផាត់ ហើយត្រូវបានសាធារណជនជាតិ និងអន្តរជាតិដឹងថា ពាក់ព័ន្ធនឹងរឿងការរំលោភសិទិ្ធមនុស្ស សិទិ្ធដីធ្លី និងធនធានធម្មជាតិ ។ ការផ្ដល់សិទ្ធិឱ្យទៅក្រុមហ៊ុនមួយនេះដើម្បីអភិវឌ្ឈន៍កោះកុងក្រៅ និងអាចផ្ដល់ជាការគំរាមគំហែងយ៉ាងធ្ងន់ធ្ងរដល់ធនធានធម្មជាតិនៅលើកោះនិងជីវៈចម្រុះក្នុងសមុទ្រ ការកាប់បំផ្លាញព្រៃឈើ ការបរបាញ់សត្វព្រៃ ការសាងសង់អាគារលើឆ្នេរសមុទ្រ ការបង្ហូរទឹកកខ្វក់ចូលសមុទ្រ ការបាត់បង់សោភណភាពធម្មជាតិនៃកោះ និងការបាត់បង់ប្រយោជន៍សម្រាប់ប្រជាជនខ្មែរទាំងមូល ។ល។
ជាក់ស្ដែងដូចជានៅលើកោះរ៉ុងសន្លឹម មានការសាងសង់អាគាររំលោភដីឆ្នេរ និងការបង្ហូរទឹកកខ្វក់ចូលសមុទ្រ ។ រីឯនៅលើកោះសង្សារវិញ ក្រោយពេលត្រូវបានអភិវឌ្ឍន៍ ប្រជាពលរដ្ឋខ្មែរភាគច្រើន មិនមានលទ្ធភាពស្នាក់នៅលើកោះនោះទេ ដោយសារតម្លៃនៃការស្នាក់នៅថ្លៃខ្លាំងក្នុងមួយយប់ ។ ហេតុដូចនេះហើយ យើងខ្ញុំមានក្ដីបារម្ភយ៉ាងខ្លាំងចំពោះគោលបំណងក្នុងការផ្តល់សិទិ្ធអភិវឌ្ឍន៍កោះនេះទៅឱ្យបុគ្គល ឬក្រុមហ៊ុនឯកជន និងសូមអំពាវនាវឱ្យរាជរដ្ឋាភិបាល សូមដកសិទ្ធិអភិឌ្ឍន៍កោះកុងក្រៅទាំងមូលពីក្រុមហ៊ុន កោះកុង អេស អ៊ីហ្ស៊ិត ខូអិលធីឌី (KOH KONG S E Z CO., LTD.) ដើម្បីទុកជាប្រយោជន៍សាធារណជន និងអភិរក្សធនធានជីវចម្រុះទាំងក្នុងសមុទ្រនិងលើដីកោះ ។
នៅថ្ងៃទី ០៣ ខែមិថុនា ឆ្នាំ២០២០ ក្រសួងបរិស្ថានបានចេញលិខិតលេខ ៧២២ ស.ជ.ណដែលបានបញ្ជាក់ពីគម្រោងដាក់កោះកុងក្រៅជាតំបន់ការពារ ឬជា ”ឧទ្យានជាតិសមុទ្រ” នៅឆ្នាំ២០២១ បន្ទាប់ពីធ្វើការសិក្សាស្រាវជ្រាវ ចងក្រងឯកសារចាប់តាំងពីឆ្នាំ២០១៦ ដោយមើលឃើញពីសក្តានុពលដ៏សម្បូរបែបផ្នែកធនធានធម្មជាតិ និងជីវៈចម្រុះ ហើយនិងឆ្នេរខ្សាច់ល្អស្អាត ។ មិនខុសពីក្រសួងបរិស្ថានប៉ុន្មានទេ រយៈពេលមួយឆ្នាំមកនេះ ដោយសារតែមើលឃើញពីសក្ដានុពលដ៏ច្រើនរបស់កោះមួយនេះរួមមាន ទឹកធ្លាក់ពីលើភ្នំជាច្រើនកន្លែង ព្រៃឈើក្រាស់ឃ្មឹក សត្វព្រៃ សត្វសមុទ្រ ផ្កាថ្ម ឆ្នេរសមុទ្រស្រស់ ស្អាតចំនួន ៦កន្លែង ជីវចម្រុះ និងប្រភេទសត្វជិតផុតពូជមួយចំនួន ។ល។ ក្រុមយុវជនបានធ្វើវីដេអូ និងយុទ្ធនាការជាច្រើន ដើម្បីជំរុញ និងស្នើសុំឱ្យរាជរដ្ឋាភិបាលដាក់កោះកុងក្រៅជាតំបន់អភិរក្សធនធានធម្មជាតិ ។
យុទ្ធនាការទាំងនេះក៏ជាផ្នែកមួយគាំទ្រទៅនឹងវិធានការជាច្រើនដែលក្រសួងបរិស្ថានបានអនុវត្តកន្លងមក ក្នុងការដាក់កោះមួយនេះជាតំបន់ការពារ ឬជា”ឧទ្យានជាតិសមុទ្រ” ដើម្បីទុកជាកេរដំណែលសម្រាប់កូនខ្មែរគ្រប់ជំនាន់ ដោយការរក្សាទុកកោះកុងក្រៅឱ្យនៅសភាពដើមទាំងស្រុង សម្រាប់បង្កើតជាតំបន់អេកូទេសចរណ៍ធម្មជាតិ ។ ការកំណត់ចំនួនភ្ញៀវទេសចរ ដោយយោងទៅតាមលទ្ធផលនៃការសិក្សាស្រាវជ្រាវរបស់អ្នកជំនាញ គួរត្រូវបានធ្វើឡើង ដើម្បីរក្សាបាននូវគម្របព្រៃឈើដែលជាជម្រករបស់សត្វព្រៃ សត្វស្លាប រក្សាបាននៅសោភណភាពធម្មជាតិនៃកោះ បង្កើតការងារនិងផ្ដល់ចំណូលដល់ប្រជាពលរដ្ឋមូលដ្ឋាន ទាក់ទាញភ្ញៀវទេសចរជាតិនិងអន្តរជាតិ ដែលជាការជួយដល់សេដ្ឋកិច្ចជាតិ និងលើកស្ទួយមុខមាត់នៃប្រទេសកម្ពុជាទាំងមូលក្នុងឆាកអន្តរជាតិ ។
កិច្ចការអភិរក្ស គួរត្រូវបានដាក់ឱ្យស្ថិតនៅក្រោមការគ្រប់គ្រងរបស់ក្រសួងបរិស្ថាន និងក្រសួងទេចរណ៍ ដើម្បីធានាថាធនធានធម្មជាតិទាំងអស់ និងសោភណភាពនៅលើកោះត្រូវបានរក្សាមិនមានការបំផ្លាញដូចនៅកោះរ៉ុង កោះរ៉ុងសន្លឹម ដែលទោះបីជាត្រូវបានដាក់ជា “ឧទ្យានជាតិសមុទ្រ” ហើយក្ដីក៏នៅតែត្រូវទទួលរងនៅការបំផ្លិចបំផ្លាញដោយការបង្ហូរទឹកកង្វក់ចូលក្នុងសមុទ្រ ការសាងសង់អាគាររំលោភដីឆ្នេរ ការឈូសឆាយព្រៃឈើធ្វើផ្លូវ ជាដើម ។
ដូចបានជម្រាបជូនខាងលើយើងខ្ញុំ សូមអំពាវនាវយ៉ាងទទូចដល់រាជរដ្ឋាភិបាល សូមឱ្យដកសិទ្ធិអភិវឌ្ឈន៍កោះកុងក្រៅទាំងមូលពីក្រុមហ៊ុន កោះកុង អេសអ៊ីហ្ស៊ិត ខូអ៊ិល ធីឌី ហើយរក្សាកោះកុងក្រៅទាំងមូលជាតំបន់ការពារដោយច្បាប់ ឬ “ឧទ្យានជាតិសមុទ្រ” ដោយដាក់ឱ្យស្ថិតនៅក្រោមការគ្រប់គ្រងរបស់ក្រសួងបរិស្ថាន និងក្រសួងទេសចរណ៍ ដើម្បីធានាថាកោះមួយនេះនឹងមិនត្រូវបានបំផ្លាញ និងរក្សាបាននៅសភាពដើមទាំងស្រុងសម្រាប់ទុកជាតំបន់ទេសចរណ៍ធម្មជាតិ បែបផ្សងព្រេង ជាកន្លែងសិក្សាស្រាវជ្រាវជីវចម្រុះ និងជាកេរដំណែលរបស់ប្រជាពលរដ្ឋកម្ពុជាគ្រប់ជំនាន់ ៕
សេចក្ដីថ្លែងការណ៍រួមនេះ គាំទ្រដោយ៖
1. សហគមន៍កៅពីរ (ភ្នំពេញ)
2. សហគមន៍ដីធ្លី ១៩៧ (កោះកុង)
3. សហគមន៍ដីធ្លី២៩៧ (កោះកុង)
4. សហគមន៍១៨៥K ធីតាចំបក់ធំ(កំពង់ឆ្នាំង)
5. សហគមន៍អមលាំង (កំពង់ស្ពឺ)
6. សហគមន៍បន្ទាយស្រី(ភ្នំពេញ)
7. សហគមន៍បុរីកីឡា(ភ្នំពេញ)
8. សហគមន៍បឹងឈូក (ភ្នំពេញ)
9. សហគមន៍បឹងកក់ (កំពង់ឆ្នាំង)
10. សហគមន៍បុស្សស្អំ (បាត់ដំបង)
11. មជ្ឈមណ្ឌលសិទ្ធិមនុស្សកម្ពុជា (CCHR)
12. សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO)
13. បណ្តាញយុវជនកម្ពុជា (CYN)
14. សហគមន៍ដីធ្លីជីខក្រោម (កោះកុង)
15. សហគមន៍ដីធ្លីជីខលើ (កោះកុង)
16. សហគមន៍ជើងព្រៃ (កំពង់ចាម)
17. សហគមន៍ជាំក្ររៀន (កំពង់ចាម)
18. សហគមន៍ទ្រទ្រង់ធនធានធម្មជាតិ (ពោធិ៍សាត់)
19. សហគមន៍ដកពរ (កំពង់ស្ពឺ)
20. សហគមន៍ព្រៃឈើ និងធនធានធម្មជាតិ (ពោធិ៍សាត់)
21. សហគមន៍ហោងសំណំ (កំពង់ស្ពឺ)
22. សហគមន៍ជនជាតិដើមភាគតិចឃុំប្រមេរុខេត្តព្រះវិហារ
23. យុវជនជនជាតិដើមភាគតិចសម្រាប់សហគមន៍ខេត្តរតនគិរី
24. សហគមន៍ដីធ្លីគៀនទឹក (កោះកុង)
25. សហគមន៍ឃុំដា (ត្បូងឃ្មុំ)
26. សហគមន៍ឃ្មុំស្រករថ្លុកឬស្សី (កំពង់ធំ)
27. សមាគមនិស្សិតបញ្ញាវន្តខ្មែរ
28. ក្រុមយុវជនខ្មែរថាវរៈ
29. សហគមន៍ដីធ្លីខេត្តប៉ៃលិន(ប៉ៃលិន)
30. សហគមន៍ឡពាង (កំពង់ឆ្នាំង)
31. មាតាធម្មជាតិកម្ពុជា (MNC)
32. ក្រុមយុវជន N1M
33. សហគមន៍អូរឈើទាល (ព្រះសីហនុ)
34. សហគមន៍ភ្នំបាទ(ភ្នំពេញ)
35. សហគមន៍ពាមរស់ (កំពង់ស្ពឺ)
36. សហគមន៍ភ្នំក្រោម (សៀមរាប)
37. សហគមន៍ភ្នំត្នោត (កំពត)
38. សហគមន៍ភ្នំទទឹង (កំពត)
39. សហគមន៍ភ្នំស្លឹក (បាត់ដំបង)
40. សហគមន៍ដីធ្លីភូមិផ្សារកណ្តាល (បន្ទាយមានជ័យ)
41. សហគមន៍ភូមិ២២ (ភ្នំពេញ)
42. សហគមន៍ភូមិ២៣ (ភ្នំពេញ)
43. សហគមន៍ភូមិដីឆ្នាំង (កំពង់ស្ពឺ)
44. សហគមន៍ភូមិខ្វាវ (ភ្នំពេញ)
45. សហគមន៍ភូមិឬស្សីស្រស់(ភ្នំពេញ)
46. សហគមន៍ដីធ្លីភូមិប្រាសាទរាំង (បន្ទាយមានជ័យ)
47. សហគមន៍ដីធ្លីភូមិសិលា (បន្ទាយមានជ័យ)
48. សហគមន៍ដីធ្លីភូមិអូរស្វាយ (បន្ទាយមានជ័យ)
49. សហគមន៍ដីធ្លីព្រែកខ្សាច់ (កោះកុង)
50. សហគមន៍ព្រែកតាគង់ (ភ្នំពេញ)
51. សហគមន៍ព្រែកតានូ (ភ្នំពេញ)
52. សហគមន៍ព្រែកត្រែ(ព្រះសីហនុ)
53. សហគមន៍ព្រៃឈើពេជ្រចង្វារល្អឆើត (កំពង់ឆ្នាំង)
54. សហគមន៍ព្រៃឈើអូរដំដែក (កំពង់ធំ)
55. សហគមន៍ព្រៃឡង់ (កំពង់ធំ)
56. សហគមន៍ព្រៃឡង់(ក្រចេះ)
57. សហគមន៍ព្រៃឡង់ (ស្ទឹងត្រែង)
58. សហគមន៍ដីធ្លីព្រៃពាយ(កំពត)
59. សហគមន៍ផ្លូវរថភ្លើង (ភ្នំពេញ)
60. សហគមន៍រស្មីសាមគ្គី (កំពង់ស្ពឺ)
61. សហគមន៍ដីធ្លីរំចេក (សៀមរាប)
62. សហគមន៍សាមគ្គី៤ (ភ្នំពេញ)
63. សហគមន៍សំបុកចាប(ភ្នំពេញ)
64. សហគមន៍នេសាទស្តីក្រោម (បាត់ដំបង)
65. សហគមន៍ស្រ្តីឃ្លាំងសាំង (ភ្នំពេញ)
66. សហគមន៍ដីធ្លីស្គន់ (សៀមរាប)
67. សហគមន៍នេសាទសម្រស់កោះស្តេច (កោះកុង)
68. សហគមន៍រងគ្រោះដីធ្លីស្រុកគីរីសាគរ(កោះកុង)
69. សហគមន៍ SOS ព្រលានយន្តហោះអន្តរជាតិភ្នំពេញ
70. សហគមន៍ស្ពានឆេះ (ព្រះសីហនុ)
71. សហគមន៍ព្រៃឈើទេសចរណ៍ទឹកធ្លាក់ស្រែអំពិល (កំពង់ឆ្នាំង)
72. សហគមន៍ភូមិស្ទឹងបត់ (បន្ទាយមានជ័យ)
73. សហគមន៍ធនធានព្រៃឈើស្ទឹងខ្សាច់ស (កំពង់ឆ្នាំង)
74. សហគមន៍ដីធ្លីតានី (សៀមរាប)
75. សហគមន៍ដីធ្លីតានូន (កោះកុង)
76. សហគមន៍ថ្មដា (ពោធិ៍សាត់)
77. សហគមន៍ដីធ្លីធ្នង់ (កោះកុង)
78. សហគមន៍ទួលរ៉ាដា (ភ្នំពេញ)
79. សហគមន៍ត្រពាំងសង្កែ (ភ្នំពេញ)
80. សហគមន៍ទន្លូង (ត្បូងឃ្មុំ)
សេចក្តីថ្លែងការណ៍នេះគាំទ្រដោយ៖
១. 92 Community (Phnom Penh)
២. 197 Land Community (Koh Kong)
៣. 297 Land Community (Koh Kong)
៤. 185K Thida Chambak Thom Community (Kampong Chnang)
៥. Am Leang Community (Kampong Speu)
៦. Banteay Srey community (Phnom Penh)
៧. Borey Keila community ( Phnom Penh)
៨. Boeung Chuk community (Phnom Penh)
៩. Boeung Kak Community (Kampong Chhnang)
១០. Bos Sa Am Community (Battambang)
១១. Cambodian Center for Human Rights (CCHR)
១២. Cambodian League for the Promotion and Defense of Human Rights (LICADHO)
១៣. Cambodian Youth Network (CYN)
១៤. Chikor Kraom Land Community (Koh Kong)
១៥. Chikor Leu Land Community (Koh Kong)
១៦. Choeung Prey Community (Kampong Cham)
១៧. Chorm Kravean Community (Kampong Cham)
១៨. Community for Nature Protection (Pursat)
១៩. Dok Por Community (Kampong Speu)
២០. Forestry and Natural Resource Community (Pursat)
២១. Horng Samnom Community (Kampong Speu)
២២. Indigenous community in Prame commune(Preah Vihear)
២៣. Indigenous Youth for Community (Ratanakiri)
២៤. Kean Teuk Land Community (Koh Kong)
២៥. Khum Da Community (Tbong Khmum)
២៦. Khmum Srakar Thlok Russei Community (Kampong Thom)
២៧. Khmer Student Intelligent League Association (KSILA)
២៨. Khmer Thavrak
២៩. Land Community (Pailin)
៣០. Lor Peang Land Community (Kampong Chhnang)
៣១. Mother Nature Cambodia (MNC)
៣២. Not One More Youths(N1M)
៣៣. Ou Chheu Teal Community (Preah Sihanouk)
៣៤. Phnom Bat Community (Phnom Penh)
៣៥. Peam Ros Community (Kampong Speu)
៣៦. Phnom Kram Community (Siem Reap)
៣៧. Phnom Thnort Community (Kampot)
៣៨. Phnom Torteong Community (Kampot)
៣៩. Phnom Sleuk Community (Battambang)
៤០. Phsar Kandal Village Land Community (Banteay Meanchey)
៤១. Phum 22 Community (Phnom Penh)
៤២. Phum 23 Community (Phnom Penh)
៤៣. Phum Dei Chhnang Community (Kampong Speu)
៤៤. Phum Khva community (Phnom Penh)
៤៥. Phum Russey Sros community (Phnom Penh)
៤៦. Phum Prasat Rang Land Community (Banteay Meanchey)
៤៧. Phum Sela Khmer Land Community (Banteay Meanchey)
៤៨. Phum Ou Svay Land Community (Banteay Meanchey)
៤៩. Prek Ksach Land Community (Koh Kong)
៥០. Prek Takung Community (Phnom Penh)
៥១. Prek Tanou Community (Phnom Penh)
៥២. Prek Trae Community ( Preah Sihanouk)
៥៣. Prey Chher Pich Changva Laor Chhert Community (Kampong Chhnang)
៥៤. Prey Chheou Ou Domdek Community (Kampong Thom)
៥៥. Prey Lang Community (Kampong Thom)
៥៦. Prey Lang Community(Kratie)
៥៧. Prey Long Community (Steung Streng)
៥៨. Prey Peay Land community (Kampot)
៥៩. Railway community (Phnom Penh)
៦០. Raksmey Samaki Community (Kampong Speu)
៦១. Rum Cheik Land Community (Siem Reap)
៦២. Samaki 4 Community (Phnom Penh)
៦៣. Sambok Chab community (Phnom Penh)
៦៤. Sdey Krom Fishery Community (Battambang)
៦៥. Setrey Klaing Sang community (Phnom Penh)
៦៦. Skun Land Community (Siem Reap)
៦៧. Somros Koh Sdech Fishery Community (Koh Kong)
៦៨. Srok Kiri Sakor Land community (Koh Kong)
៦៩. SOS International Airport Community (Phnom Penh)
៧០. Spean Chhes Community (Preah Sihanouk)
៧១. Sre Ampel Water Fall Tourism Forestry Community (Kampong Chnang)
៧២. Steung Bort village Land community (Banteay Meanchey)
៧៣. Steung Khsach Sor Forestry Resource (Kampong Chhnang)
៧៤. Tani Land Community (Siem Reap)
៧៥. Ta Nuon Land Community (Koh Kong)
៧៦. Thmor Da Community (Pursat)
៧៧. Thnong Land Community (Koh Kong)
៧៨. Toul Rada Community (Phnom Penh)
៧៩. Trapaing Sangke Community (Kampot)
៨០. Tunlong Community (Tbong Khmum)
PDF៖ ទាញយកសេចក្តីថ្លែងការណ៍ជាភាសាអង់គ្លេស - ទាញយកសេចក្តីថ្លែងការណ៍ជាភាសាខ្មែរ
MP3៖ ស្តាប់សំឡេងជាភាសាខ្មែរ
- ចំណងជើង & មូលបទ
- បញ្ហាបរិស្ថាន សិទ្ធិដីធ្លី លី យ៉ុងផាត់ មាតាធម្មជាតិ
